Gerentologiake klubja

Gerentologiako centri kotar Subotica ano poro rami sile deš klubja, šov ani teritorija dizjaki thaj štar ano uzodizjake thaneske kupatne. Gerentologiake klubja ani Subotica: "Centar I" putardo 1979. berš; klubi "Bajmok" putardo 1988.berš: "Central II" putardo 1991.berš; klubi "Kertvaroš"(angluno klubi ani SFRJ putardo 1973 thaj phandilo 1999.) palpale putardilo 2006.berš; klubi "Novi Žednik" putardo 2008.berš; klubi "Zorka" putardo 2010. Klubi"Prozivka"putardo 2011.berš; klubi "Mala Bosna" putardo 2012.berš thaj klubi "Đurđin" putardo 2012.berš Dženo klubesko šaj te ovol amaro dizutno/i e statusea penzioneri (phurikano,invalidsko,familiako), persona e invaliditeteja jase bibučarno persona,purano kotar 60 berš. Ano gerentologiake klubja sar dženen čhiva ini simpatizerjen klubeske,persone save šaj te keren buti jase bibukjake hema pere beršenca pana našti te oven penzionerja.Simpatizerja lena kotor ano sa aktivipe thaj butipe klubeske numa našti te labarinen servisja save dela institucija. Dženo klubesko šaj te avel thaj te bešel sako dive ano klubi.Labarinela servisi savo dela institucija

-habe,masaža,pedikiri,frizeri,servisi Thovutnako thaj Ambulantako vaš fizikalno medicina thaj rehabilitacija, Servisi Psihologiako turvinutnipe,servisi majstorengo ano tereni.Ano sakova klubi organizuinenape kulturno rekreativno aktivipe phando odolea vaš soske si interesuipe thaj afiniteti dženengo. Ando klubja si ini Kreativno bučardutne: piltaripe pe svila, piltaripe tekstilesko, pusjaki sekcija, sekcija vaš lačaripe salvete,keripe produktja kotar lil, kotar kašt, keripe produktja kotar čik/glina,parno sivipe thaj vasteski buči. Organizuinelape sportsko aktivipe: rekreacija, tai či, tenis (po astali), kugla,pikado, šah, sar ini khelipe ano akala aktivipe.Si sekcija vaš ples, foklorno sekcija,gilavibaske sekcije,dramaki sekcija, sekcija vaš anglikani čhib. Organizuinolpe ekspozita,lilavno bešipe,promocija pustikjengo, keripe bijandodivesko, pijibe čaji,adikharipe tradicionalno thaj religiake festja thaj adetja,maskenbalja thaj kupatne amalipe.Divesko centri thaj turvinutnipe vaš persone nasvale kotar demencija, si ano rami klubesko "Kertvaroš". Ano Divesko centri thaj turvinutnipe vaš persone nasavele demencijata psihologi organizuinela thaj legarela grupa ano save lena kotor ini akala persone Akava servisi siole hako te labarinol sakova dženo kotar akala klubja, saveske dendili adjahar dijagnoza.Dženo klubesko savo arakhelape ani adjahar situacija jase aver daj persona rodela informativno thaj dijagnostikako vakheripe e psihologeja, uzo savo delape nota šaj mi te lol kotor ani grupa. Uzo Divesko centri thaj turvinutnipe vaš persone nasvale kotar demencija si ini Psihologiako turvinutnipe savo dela servisi thaj turvinutnipaske vakheripe dženenge ano klubi, hema ini olenge paše dženenge(familija thaj amala) ano rami agorisipe aktuelno problemi phando vaš dženo gerentologiako klubesko. Vakheripe ano turvinutnipe Rodelape personalno pi adresa Aleksa Šantić 27 jase po Telefoni 546 - 868